Գեղարքունիքի մարզում՝ Շորժա–Վարդենիս ճանապարհին, «Opel Zafira»-ն դուրս է եկել երթևեկելի գոտուց, մի քանի պտույտ շրջվել և հայտնվել դաշտում․ կա 2 զոհ և 6 վիրավոր։
ArmLur.am-ը դեպքի վայրից ներկայացնում է ողբերգական վթարը։Վիրավորները տեղափոխվել են Վարդենիսի հիվանդանոց։

Shamshyan.com-ն էլ դեպքի վայրից հայտնում է, որ վթարի մասին Գեղարքունիքի մարզի ՊԾ գումարտակից տեղեկությունը փոխանցվել է Քննչական կոմիտեի մարզային քննչական վարչության Վարդենիսի քննչական բաժին, որտեղից ժամանել է քննչական խումբը՝ վարչության պետի, Վարդենիսի քննչական բաժնի պետի և օրվա պատասխանատու հերթապահ քննիչի գլխավորությամբ։

Վթարի փաստով քննչական բաժնում նախաձեռնվել է քրեական վարույթ, որի շրջանակում պարզվում է վարորդի, մահացածների և վիրավորների ինքնությունը։