Երևանի թիվ 107 մանկապարտեզի բակում տեղի ունեցած կրակոցների դեպքի առթիվ նախաձեռնվել է քրեական վարույթ՝ ՀՀ Քրեական օրենսգրքի 297-րդ հոդվածի 3-րդ մասով (խուլիգանությունը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը):

Այս մասին «Հայկական ժամանակ»-ին հայտնեցին Քննչական կոմիտեից:

«Իրականացվել է դեպքի վայրի զննություն, կատարվում են առաջնային անհետաձգելի քննչական ու վարութային գործողություններ»,- ասացին ՔԿ-ից:

Ավելի վաղ հայտնել էինք, որ Երևանի թիվ 107 մանկապարտեզի բակում տեղի ունեցած կրակոցների դեպքի հանգամանքները պարզվում են: