ՀՀ Արմավիրի մարզպետ Արգիշտի Մեխակյանը Վահրամ Խաչատրյանի, ավագանու անդամների և համայնքապետարանի աշխատակազմի հետ միասին հարգանքի տուրք է մատուցել Արցախյան 44-օրյա պատերազմում անմահացած հերոսների հիշատակին։

«Խորին խոնարհումով ծաղիկներ խոնարհեցինք հուշակոթողին՝ հիշելով և արժևորելով նրանց անմահ սխրանքը։ Մեր հերոսների արիությունը, հայրենասիրությունն ու անձնազոհությունը մեր ժողովրդի ոգու, ուժի և միասնության վառ օրինակներն են։

Նրանց հիշատակը հավերժ ուղենիշ է մեզ համար՝ հայրենիքի պաշտպանությանը, խաղաղության ամրապնդմանը և ազգային արժեքների պահպանմանը։
Հավերժ փառք ու խոնարհում մեր անմահ հերոսներին»,- սոցցանցի իր էջում գրել է մարզպետը:

Սեպտեմբերի 27-ին լրանում է 44-օրյա պատերազմի 5-րդ տարելիցը: 2020թ.-ի սեպտեմբերի 27-ին՝ ժամը 7:10-ին, Ադրբեջանը Ղարաբաղի հետ շփման գծի ողջ երկայնքով պատերազմ սկսեց, որը տևեց 44 օր: