Ամալյա Հովհաննիսյանի LIFEROOM հաղորդաշարին հյուր է եղել մոդել, դերասանուհի Անելյա Գուբրյանը։
StarNews-ը հետևել է զրույցին։
Անելյան նշել է, որ 15 տարեկանից զբաղվել է պրոֆեսիոնալ մոդելինգով։ Նրա խոսքով՝ հայկական կարծրատիպերը չեն սահմանափակում իրեն, սակայն, որպես հանրային մարդ, հաշվի է առնում մարդկանց կարծիքը, քանի որ իրեն հետևում են շատերը, և չի կարող ասել, թե որևէ մեկի կարծիքը հետաքրքիր չէ։
Խոսելով անցած տարիների մասին՝ Անելյան խոստովանել է, որ բազմաթիվ տրավմաներ է ունեցել։
«Երբ հիշում եմ այդ տարիքս, ուզում եմ ինքս ինձ գրկել ու ասել՝ հանգստացիր, ամեն ինչ լավ է լինելու։ Նույնիսկ ամենածիծաղելի կատակը կարող է ամենաուժեղ հետքը թողնել։ Ձեռք էին առնում հասակս, խուճուճ մազերս։ Չեմ կարողանում տանել խուճուճ մազեր, որովհետև այդ վերքը չկարողացա բուժել։ Այնքան էին ծաղրում, մազերիս մեջ ինչ-որ բաներ էին խրում, վառում, խճճում… իսկական բարբարոսություններ էին անում մազերիս հետ կապված։
Ես ինձ սիրուն մարդ չեմ համարել , նույնիսկ մինչև վերջերս,– նշել է նա։