Ծիրանի կորիզների օգտագործումը անբարենպաստ միջավայր է ստեղծում քաղցկեղի բջիջների աճ ու բազմացման համար: Այդ մասին հատարարել է ամերիկացի Էդվարդ Գրիֆինը՝ ուսումնասիրելով B17 վիտամինի բուժիչ հատկությունները, որն իր մեջ պարունակում է ծիրանի կորիզը, գրում է «Ռոսիյսկայա գազետան»:

«Աշխարհն առանց քաղցկեղի» գրքի հեղինակը գիտականորեն բացատրում է վիտամինի գործողությունները եւ հարց է տալիս՝ ինչու՞ ավանդական բժշկության մեջ այն չի կիրառվում հիվանդության դեմ պայքարում, չէ՞ որ B17-ի հայտնաբերումից հետո հիվանդանոցներում մի շարք մարդիկ են բուժվել, նախքան դեղագործական կազմակերպությունները արգելեցին այն, հաղորդում է ՌԲԿ-ն:

Է. Գրիֆինը ենթադրում է, որ խնդիրը պայմանավորված է ուռուցքաբանության շրջանում համաշխարհային վերնախավի վարած քաղաքականությամբ: Չէ՞ որ աշխարհում քաղցկեղի բուժման ու հետազոտման համար քիմիական միջոցների արտադրության վրա միլիարդներ են ծախսվում:

B17 վիտամինը առկա է ծիրանի, նուշի, բալի, դեղձի, սալորի, խնձորի կորիզներում, սորգոյի, կորեկի, կտավատի, ոսպի հատիկներում, խաղողում, որոշ տեսակի ընդեղենում եւ խոտաբույսերում: 35 տարի առաջ այս վիտամինի կիրառումը արգելվեց քաղցկեղի բուժման ժամանակ: Դեղագործները պնդում են, որ ծիրանի ու նուշի մշակաբույսերը պարունակում ցիանիդ, որը կարող է թունավորում առաջացնել: Սակայն նման դեպքեր չեն արձանագրվել, նույնիսկ ծիրանի կորիզի ակտիվ օգտագործման ժամանակ:

Ծիրանի կորիզները կարող են փրկել մահшցու հիվանդությունից