Քաղաքագետ Ռոբերտ Ղևոնդյանը գրում է.

«Տուտուցը»` որպես քաղաքական կատեգորիա

Երեկ տեղի ունեցավ արմատական ընդդիմության հերթական հանրահավաքը: Մարդկանց քանակի, որակի, գործողությունների և այլ հարցերում որևէ նորություն չկար: Նպատակն էլ, ըստ էության, նույնն էր` ընդդիմադիր ակտիվ գործունեության իմիտացիայի միջոցով քաղաքական դաշտում սեփական դիրքերը չկորցնել:

Բայց այս անգամ մի կարևոր տարբերություն կար` սեփական հետևորդների նկատմամբ վերաբերմունքը քամահրանքի աստիճանի էր հասել: Նախ պաստառի վրա արված սխալը, (որի արդյունքում «տուտուց» բառն էր ստացվել), հետո նաև արտասանվող տեքստերում սովորական մարդկանց կամքի ընդհանրական անտեսումը խոսում էին մի բանի մասին. ռուսամետ ընդդիմությունը մինչև հիմա կարծում է, թե ներկա իշխանություններին ինչ-որ մեկը (իրենց համոզմամբ` արևմուտքից) բերել է, և իրենց գլխավոր նպատակն է «Ռուսաստանից բերվել»:

Քանի որ այս անգամ ընդդիմադիրների նույն խումբը հավաքվել է Ռուսաստանից ժամանած մարդկանց շուրջ` «ահա-ահա նրանք կբերվեն» ու փշրանքներից իրենց էլ մի բան կհասնի:

Բացարձակ արհամարհանք Հայաստանի քաղաքացիների, նրանց կարծիքի, ցանկությունների, երազանքների նկատմամբ: Բայց զարմանալ պետք չի: Այս տեսակի համար ժողովուրդը «տուտուց է» կամ «խորը անասուն», որին կարելի է օգտագործել` Ռուսաստանի կողմից «բերվելու» համար:

«Ախորժակիդ` քացախ» ինչպես ասում է Հայաստանի իմաստուն ժողովուրդը: