«Կարծում եմ քաղաքական համակարգի կայացման առումով շատ կարևոր է, որ մենք այդ որոշումները կայացնենք, այո՛, կուսակցությունը պետք է լինի թափանցիկ գործող համակարգ»:

Այս մասին Կառավարության հետ հարցուպատասխանի ժամանակ ասաց վարչապետ Նիկոլ Փաշինյանը՝ արձագանքելով «Քաղաքացիական պայմանագիր» խմբակցության պատգամավոր Նարեկ Բաբայանի այն դիտարկմանը, թե ՀՀ-ում գործող կուսակցությունները չունեն ներքին ժողովրդավարություն և որպես կառավարող ուժ, արդյո՞ք չպետք է ջանքեր գործադրեն, որ քաղաքական դաշտը առողջանա և լինի ներքին ժողովրդավարություն, և արդյո՞ք պետք է ներդնել նման իրավական համակարգ:

«Տեսեք, օրինակ նույնը կա մեր կուսակցության դրամահավաքի հետ կապված, թե վայ, էն ով էր, բա էն մեկը կարմիր գլխարկով էր, բա էն մյուսն ով էր, հլը մի րոպե, ընդեղ մուգ ապակիներով ավտո կանգնեց, ու ոչ մեկին չի հետաքրքրում, թե մյուս կուսակցությունները որտեղից են ֆինանսավորվել, չկա ընդհանրապես այդ հարցը՝ ովա ֆինանսավորում էդ կուսկացությունը, ինչ աղբյուրներից, և հասկանում եք մեր թափանցիկությունը օգտագործվում է մեր դեմ, սա էն դեպքն է, որ ժողովրդավարությունը օգտագործվում է ժողովրդավարության դեմ: ՀՀ կուսկացությունների 90 տոկոսում ղեկավար մարմնի կազմը մի կամ երկու հոգի են, երբեմն ցույց էլ չեն տալիս, մարդիկ մամուլից են իմանում:

Ձեր միտքը ինձ դուր է գալիս, որ ժողովրդավարական երկիր ենք, ուրեմն մենք պետք է գտնենք մեխանիզմներ, որ այն կուսկացությունները որ գտնվում են մեր երկրում նույնպես համապատասխանեն ժողովրդավարության և թափանցիկության կանոններին, և դա ընդհուպ կարող է ընտրություններին մասնակցել-չմասնակցելու հարց առաջացնել:

Մենք պետք է սերտ խորհրդակցենք եվրոպայի խորհրդի, վենետիկի հանձնաժողովի հետ և փորձենք աշխարհում գոյությւոն ունեցող լավագույն պրակտիկաները բերել, բայց հարցը բավականին հասունացած է»,- ասաց վարչապետը:

Առավել մանրամասն՝ տեսանյութում: