Օգոստոսի 2-ին ողբերգական ավտովթար է տեղի ունեցել Սյունիքի մարզում։

Ժամը 22։00-ի սահմաններում Կապան-Նորաշենիկ ավտոճանապարհի 9-րդ կմ հատվածում Սյունիքի մարզի բնակիչ 30-ամյա Մարատ Ա․-ի վարած «Porsche» մակնիշի ավտոմեքենան բախվել է ճանապարհի թույլատրելի հատվածում կայանված, Սյունիքի մարզի բնակիչ 50-ամյա Գարիկ Ա․-ի վարած «Տոյոտա» մակնիշի ավտոմեքենային, ինչի հետևանքով վերջինս կողաշրջված հայտնվել է ձորակում։

Ինչպես հայտնում է Shamshyan.com-ը, վթարի հետևանքով «Տոյոտա»-ի վարորդը, որը վթարի պահին մեքենայի բեռնախցիկում իրեր դասավորելիս է եղել, տեղում մահացել է։

Փրկարարները հոսանքազրկել են «Տոյոտա»-ն և փակել գազի բալոնի փականը:

Վթարի փաստով Քննչական վարչությունում նախաձեռնվել է քրեական վարույթ։