«Ձեր նշած խոսույթը ընդհանրապես գոյություն չունի և բացակա է այդ փաստաղթերում: Օգտագործում եք «Զանգեզուրի միջանցք» արտահայտությունը, որտեղի՞ց այդ արտահայտությունը Ձեզ, որտեղ եք կարդացել. նման արտահայտություն չկա, չի եղել և համոզված եղեք չի լինի ՀՀ-Ադրբեջան համաձայնեցված որևէ փաստաթղթում»,- Ստրասբուրգում ԵԽԽՎ պատգամավորի հարցին «Զանգեզուրի միջանցքի» վերաբերյալ այսպես արձագանքեց ՀՀ վարչապետ Նիկոլ Փաշինյանը՝ հղում անելով օգոստոսի 8-ին ստորագրված հռչակագրին և նախաստորագրված խաղաղության համաձայնագրին:

«Խաղաղությունը խնամք է պահանջում, դրա շատ կարևոր ատրիբուտ է լեգիտիմ բառապաշարի օգտագործումը: Իմ ելույթի մեջ չկա մի բառ, մի արտահայտություն, որի ծագումանաբանությունը ես չեմ կարող ցույց տալ Վաշինգտոնում ընդունված փաստաթղթերից: Դիմել եմ կոչով Ադրնեջանի գործընկերոջս, որպեսզի պարզաբանի՝ ինչ նկատի ունի «Զանգեզուրի միջանցք» ասելով, որտե՞ղ է այն, քարտեզի վրա պետք է ցույց տալ, որտեղ է այս «Զանգեզուրի միջանցքը», որովհետև, եթե պարզվի, որ «Զանգեզուրի միջանցք» ասելով նկատի ունեն ՀՀ-ի որևէ տարածք, որևէ մեկն իրավունք չունի ՀՀ ինքնիշխան տարածքի վրա անուն դնել, որը ընդունված չէ ՀՀ-ի կողմից, դա արդեն իսկ ձեռքբերված ինքնիշխանության փոխադարձ ճանաչման կոպտագույն խախտում է»,- նշեց վարչապետը:

Խստորեն դատապատելով ԵԽԽՎ հեղինակավոր դահլիճում պատգամավորի ապալեգիտիմ բառապաշարը, ասաց, որ այն վնաս է բերում խաղաղության գործընթացին, որովհետև ուղիղ կերպով խախտում է պայմանավորվածությունները և դուրս է օգտագործվող լեգիտիմ բառապաշարից: