Ո՞վ է եղել Գորիսի քաղաքապետի վարորդի հետ

ArmLur.am-ի տեղեկությունների համաձայն՝ Գորիսում միջադեպի հետևանքով նռնակի պայթյունից վիրավորում ստացած անձը Արսեն Երեմյանն է։ Վերջինս դեպքի ժամանակ եղել է Գորիսի քաղաքապետ Առուշ Առուշանյանի վարորդի՝ Արենի հետ։ Արսեն Երեմյանը Առուշ Առուշանյանի մոտ ընկերն է։

ArmLur.am-ը ներկայացնում է լուսանկար, որտեղ նռնակի պայթյունից սպանված Արենն է, Սյունիքի մարզպետը և Գորիսի քաղաքապետ Առուշ Առուշանյանը։

Քիչ առաջ հայտնել էինք, որ ArmLur.am-ի տեղեկությունների համաձայն՝ Գորիսի քաղաքապետի վարորդ Արենը իր հարազատների հետ կենցաղային հարցերի հետ կապված տարիների վեճ է ունեցել։Մասնավորապես, Առուշ Առուշանյանի վարորդ Արենը, որ ազգական Վարուժան Յոլյանի հետ պապական առանձնատունը կիսելու շուրջ տարիներ շարունակ կոնֆլիկտ են ունեցել։

Անգամ առանձնատան հարցով գործը հասել է դատարան, սակայն կողմերը չեն սպասել դատարանի որոշմանը, և առանձնատունը կիսելու թեման այնքան է խորացել ազգականների հետ, որ բանը հասել է կռվին, ու միջադեպի ժամանակ նռնակ են նետել, և 2 հոգի՝ Գորիսի քաղաքապետի վարորդը՝ Արենը, և նրա ազգական Վարուժան Յոլյանը, մահացել են։

Քիչ առաջ ArmLur.am-ին Ներքին գործերի նախարարությունից հայտնեցին, որ Գորիսում, ըստ նախնական տեղեկությունների, նռնակի պայթյունի հետևանքով կա 2 զոհ, 1 վիրավոր։

ՆԳՆ քրեական ոստիկանության ծառայողները ձեռնարկում են միջոցառումներ դեպքի բոլոր հանգամանքները պարզելու ուղղությամբ։

https://www.facebook.com/bavnews.am/posts/pfbid02D4DLB9ZCHNczKV2GFMb4EwhzUu8oqD1y623aWX9k7fRTmdfXcbuzcTuFPHTYFjzdl

#Ով #եղել #Գորիսի #քաղաքապետի #վարորդի #հետ