🕒 Время чтения: 1 мин
Hraparak.am-ը գրում է․ Երևանի Աջափնյակ վարչական շրջանում երեկ կրակոցներ էին հնչել։
Միջադեպի մասնակիցներից «Արմենիա» ԲԿ էին տեղափոխվել 9 մարդ։ Նրանցից մեկը մահացել է, երկուսի վիճակը ծայրահեղ ծանր է, մյուսների վիճակը կայուն ծանր է։
ՆԳՆ-ից միայն փոխանցում են. «ՆԳՆ ոստիկանության ծառայողները ձեռնարկում են անհետաձգելի օպերատիվ-հետախուզական միջոցառումներ դեպքի բոլոր հանգամանքները պարզելու ուղղությամբ։ Կտրվի լրացուցիչ տեղեկատվություն»։
«Հրապարակ»-ի տեղեկություններով` իրավապահները միջադեպի մասնակից մի քանի անձանց են ձերբակալել։ Մենք հետաքրքրվեցինք, թե ովքեր են ձերբակալվածները, ասացին` թաղային հայտնի հեղինակություններ են, որոնք արյունալի դեպքի մասնակիցներ են։ Միջադեպի շարժառիթը, հիշեցնենք, կենցաղային հարցերի շուրջ վեճն է եղել։