Ուզում եմ հույս հայտնել, որ առաջիկայում գերիների հարցով լավ նորություններ կունենանք. Արարատ Միրզոյան
ՀՀ ԱԳ նախարար Արարատ Միրզոյանը Ֆինլանդիայի ԱԳ նախարարի հետ համատեղ մամուլի ասուլիսի ժամանակ պատասխանեց նաև Բաքվում պահվող գերիների վերաբերյալ հարցին:
«Հաստատված խաղաղության պայմաններում Հայաստան-Ադրբեջան հարաբերությունների կարգավորման շրջանակներում մնում են որոշ հարցեր, որոնք դեռ լուծման կարիք ունեն: Դրանցից առաջինը Բաքվում պահվող գերիների, պատանդառված անձանց ազատ արձակման հարցն է։ Մենք ամենօրյա աշխատանքներ ենք իրականացնում այս ուղղությամբ, ոչ միշտ տեսանելի, ոչ միշտ արդյունավետ, հակառակ դեպքում՝ այս հարցն արդեն դուրս եկած կլիներ օրակարգից»,- ասաց նախարարը:
Արարատ Միրզոյանը նշեց նաև, որ հոկտեմբերի 13-ին Շարմ էլ Շեյխում ևս Խաղաղության գագաթնաժողովի շրջանակներում ադրբեջանցի գործընկերների հետ քննարկել են այդ հարցը:
«Ուզում եմ հույս հայտնել, որ առաջիկայում այս առումով լավ նորություններ կունենանք, մենք չենք դադարեցնում մեր ջանքերը: Հուսանք, որ մեր ջանքերը դրական արդյունքով կպսակվեն առաջիկայում»,- հայտարարեց ԱԳ նախարարը:
#Ուզում #եմ #հույս #հայտնել #որ #առաջիկայում #գերիների #հարցով #լավ #նորություններ #կունենանք #Արարատ #Միրզոյան