Այս հոկտեմբերին Վրաստանի իշխանությունները նախատեսում են դատական ​​​​հայց ներկայացնել երկրի Սահմանադրական դատարան՝ պահանջելով արգելել ընդդիմադիր «Միացյալ ազգային շարժում» կուսակցությունը, որը հիմնադրվել է նախկին նախագահ Միխեիլ Սաակաշվիլիի (2004-2013) կողմից: Այա մասին հայտարարել է Վրաստանի վարչապետ Իրակլի Կոբախիձեն:

«Մենք համապատասխան դատական ​​​​հայց կներկայացնենք՝ «Ազգային շարժման» կոլեկտիվ կազմող բոլոր կուսակցությունները հակասահմանադրական ճանաչելու համար»,- հայտարարել է քաղաքական գործիչը:

Վարչապետը գործընթացը անվանել է ժողովրդավարական:

Հիշեցնենք, որ այս տարվա սեպտեմբերին Թբիլիսիի քաղաքային դատարանը «Միացյալ ազգային շարժման» նախկին ղեկավար Լևան Խաբեիշվիլիին կալանավորել է:

Սեպտեմբերի 13-ին դատախազ Բեքա Կվիցիանին հայտարարել է, որ Վրաստանի գլխավոր դատախազությունը Խաբեիշվիլիին մեղադրանք է առաջադրել կառավարության տապալման հրապարակային կոչ անելու համար: Նրա խոսքով՝ այս տարվա հունիսից քաղաքական գործիչը հեռուստատեսությամբ և սոցիալական ցանցերի միջոցով կոչ է անում Վրաստանի քաղաքացիներին տապալել կառավարությունը՝ նշելով կոնկրետ ամսաթիվ և վայր:

Ավելի վաղ Վրաստանի վարչապետ Իրակլի Կոբախիձեն հայտարարել էր, որ Սաակաշվիլին հսկայական վնաս է հասցրել Վրաստանին՝ 2008 թվականին պատերազմ սկսելով: