Նախորդ շաբաթ «Պատիվ ունեմ» խմբակցությունը հրավիրել էր խորհրդարանական լսումներ՝ վարչապետին իմպիչմենտ հայտնելու գործընթաց սկսելու համար, բայց հրավիրողները ստիպված եղան իրենց հայտարարություններն անել շատ փոքրաթիվ մարդկանց ներկայությամբ, նրանք չէին կարողացել լսումներին ապահովել մարդաշատություն։

Թեմայի վերաբերյալ զրուցել ենք ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանի հետ։

«Առհասարակ էս վերջերս ընդդիմության կողմից նման գործընթացներ հաճախակի են արվում, և այսօրվա նախագիծն էլ այս թեմայի շրջանակներում էր։ Ի՞նչ են անում, օրակարգ են փորձում լցնել և այդպիսով իրենց օրակարգի վրա մի քանի օր քաղաքական դիվիդենդ հավաքել, որը շատ արագ չեզոքանում է։ Քանի տարի է՝ իրար հետևից ամեն մեկը իմպիչմենտի գործընթաց է նախաձեռնում. իրար մեջ նույնիսկ չեն կարողանում վարչապետի թեկնածու ընտրել, ուր մնաց մի հատ էլ վարչապետին անվստահություն հայտնեն»,- ասաց պատգամավորը։

Մեր զրուցակցի խոսքով՝ այնտեղ ոչ մի խոսույթ չկար, բացի ատելության խոսքից, ինչն ինքը շատ քննադատում է և կարծում է, որ որոշ սահմանափակումներ պետք է ունենալ, որպեսզի նման մարդկանց ԱԺ շենք չթողնեն, որ մի բան էլ ամբիոնին մոտենան ու այդ ամբիոնը չհարգելով՝ այնպիսի լուտանքներ թափեն, որը տհաճ է կողքից լսող ցանկացած մարդու համար։

Մանրամասն՝ տեսանյութում