«Ուժեղ Հայաստան» կուսակցության ներկայացրած 13 փոփոխությունների շարքում առանձնահատուկ տեղ ունի առողջապահության ոլորտին վերաբերող նախաձեռնությունը՝ «20 տոկոս էժան դեղորայք բոլորի համար» ծրագիրը։ Կուսակցության ներկայացուցիչների համոզմամբ՝ սա այն կարևոր քայլերից է, որը կարող է էականորեն թեթևացնել հազարավոր ընտանիքների սոցիալական բեռը և բարձրացնել առողջապահական ծառայությունների հասանելիությունը։

«Մեր ձևով» ժողովրդական շարժման անդամ Անդրանիկ Գևորգյանը հրապարակած տեսանյութում նշել է, որ ուսումնասիրությունները ցույց են տվել՝ հարևան Վրաստանում դեղորայքն ավելի մատչելի է, ինչի պատճառով Հայաստանի բազմաթիվ քաղաքացիներ մեկնում են այնտեղ՝ անհրաժեշտ դեղերը ձեռք բերելու համար։ Նրա խոսքով՝ նույն պայմանները պետք է ստեղծվեն նաև Հայաստանում, որպեսզի մարդիկ կարողանան որակյալ դեղորայք գնել ավելի ցածր գներով։

Կուսակցության ներկայացուցիչները վստահեցնում են, որ դեղերի գների շուրջ 20 տոկոս նվազեցումը հնարավոր է իրականացնել արդյունավետ տնտեսական քաղաքականության, ներմուծման նոր պայմանների և շուկայում առողջ մրցակցության ձևավորման միջոցով։ Նախաձեռնության կողմնակիցների համոզմամբ՝ այս փոփոխությունը հնարավոր է կյանքի կոչել միայն Սամվել Կարապետյանի առաջնորդությամբ, քանի որ նրա տնտեսական փորձն ու կառավարման մոտեցումները կարող են ապահովել այնպիսի համակարգային փոփոխություններ, որոնք երկարաժամկետ ազդեցություն կունենան քաղաքացիների կյանքի որակի վրա։

«Ուժեղ Հայաստան»-ի ներկայացրած 13 փոփոխությունները, ըստ կուսակցության, ուղղված են տնտեսության զարգացմանը, սոցիալական պայմանների բարելավմանը և մարդկանց առօրյա խնդիրների լուծմանը։ Դեղորայքի մատչելիության ապահովումը ծրագրի այն կետերից է, որը անմիջական ազդեցություն կարող է ունենալ յուրաքանչյուր ընտանիքի վրա։