Բլոգեր Քրիստինա Հովհաննիսյանն Ինստագրամի իր էջում անկեղծ հրապարակմամբ է հանդես եկել՝ հետևորդների հետ կիսվելով կյանքի բարդ փուլերից մեկով։

Քրիստինան տեսանյութ է հրապարակել հիվանդանոցից և առաջին անգամ մանրամասն պատմել վերջերս կրած վիրահատության, հետվիրահատական ծանր ցավերի ու հաղթահարման ընթացքի մասին։

Բլոգերը ցույց է տվել հիվանդանոցային կադրերն ու անկեղծացել, որ առաջին օրերն իսկական փորձություն են եղել իր համար:

«4 ժամը մեկ ցավազրկում էին, չէի կարողանում խոսել»,- պատմել է Քրիստինան՝ նկարագրելով այն ֆիզիկական ծանր վիճակը, որի միջով անցել է վիրահատությունից անմիջապես հետո։

Չնայած ապրած դժվարություններին՝ Քրիստինա Հովհաննիսյանը նշել է, որ այս ամենով կիսվելու նպատակը ոչ թե կարեկցանք առաջացնելն է, այլ մարդկանց մոտիվացնելն ու ուժ տալը, ովքեր նույնպես ունեն առողջական խնդիրներ, բայց վախենում են դիմել վիրահատական միջամտության։

«Գուցե այս տեսանյութը ինչ-որ մեկին օգնի դադարել վախենալ ու այս ճանապարհն անցնել ավելի հանգիստ»,- գրել է բլոգերը։

Այս անկեղծ խոստովանությունն անմիջապես արձագանք է գտել համացանցում։ Հազարավոր հետևորդներ ու ընկերներ շտապել են մեկնաբանություններում իրենց աջակցությունը հայտնել Քրիստինային՝ գնահատելով նրա ուժն ու բաց լինելը, ինչպես նաև մաղթել են շուտափույթ ու վերջնական ապաքինում:

Աղբյուր