Ռուսաստանի Engels քաղաքում տղամարդը դանակահարել է կնոջը՝ դավաճանության մասին կատակի պատճառով, հայտնում է ՆԳՆ տարածաշրջանային վարչությունը։

Դեպքը տեղի է ունեցել ապրիլի 8-ին՝ Պոլտավսկայա փողոցի բնակարաններից մեկում։ Ամուսինները և նրանց ծանոթը միասին ալկոհոլ են օգտագործել։ Ընկերոջ քնելուց հետո ամուսինների միջև վեճ է սկսվել․ տղամարդը կնոջը կասկածել է անհավատարմության մեջ։

Կնոջը, ըստ տեղեկությունների, կատակով ասել է, թե իսկապես դավաճանել է ամուսնուն, ինչը տղամարդու մոտ ագրեսիվ արձագանք է առաջացրել։ 42-ամյա տղամարդը վերցրել է խոհանոցային դանակն ու հարվածել 35-ամյա կնոջ պարանոցին։

Տուժած կինը դիմել է ոստիկանություն։ Բժիշկները վնասվածքները գնահատել են որպես թեթև։

Դեպքի առթիվ հարուցվել է քրեական գործ՝ Ռուսաստանի քրեական օրենսգրքի 115-րդ հոդվածի 2-րդ մասով։ Կասկածյալը նախկինում ևս քրեական պատասխանատվության է ենթարկվել։ Ներկայում նրա նկատմամբ կիրառվել է երկրից չհեռանալու մասին սահմանափակում։

Թարգմանությունը՝ Past.am-ի