Դերասանուհի Գոհար Իգիթյանն իր անկեղծ պատմությունը կիսել է LIFEROOM հաղորդման շրջանակներում, անդրադառնալով իր ամուսնու՝ անվանի ռեժիսոր Արմեն Խանդիկյանի հետ հարաբերություններին։

Նրանց պատմությունն սկսվեց Դրամատիկական թատրոնում, որտեղ Գոհարը առաջին անգամ հանդիպեց Արմենին։ «Երբ առաջին անգամ տեսա Արմեն Խանդիկյանին, նա արդեն ամուսնացած էր։ Ոչ մի հույս կամ ակնկալիք նրա հետ չէի կապում։ Ես միշտ զգոն և ռեալիստ եմ եղել։ Սակայն նրա բնավորության առանձնահատկություններն ինձ հետաքրքրեցին՝ հատկապես այն, որ նա կնամոլ չէր և խոսքի մարդ էր։ Սա իմ ուշադրությունը գրավեց, բայց ես զգացմունքներս երբեք չէի արտահայտում»,- նշեց Գոհարը։

Նրանց հարաբերությունների զարգացումը պարզ և բնական ընթացք ունեցավ տարիներ անց։ Երբ Արմենի առաջին կինը՝ Տաթևիկ Ղափլանյանը, տեղափոխվեց ԱՄՆ, Գոհարն էլ նշանված էր, բայց նրա նշանածը ևս մեկնեց արտասահման։ Երկու արվեստագետների ճակատագրերը կրկին խաչվեցին՝ այս անգամ նոր ու հասուն փուլում։ «Երբ մենք սկսեցինք հարաբերությունները, արդեն հասուն մարդիկ էինք։ Մեր տարիքային տարբերությունը մեծ էր՝ 18 տարի, բայց դա երբեք խոչընդոտ չեղավ։ Արմեն Խանդիկյանի կողքին լինելը և՛ պարտավորեցնող է, և՛ պահանջկոտ։

Ես ինձ մշտապես հիշեցնում էի՝ ով եմ և որտեղից եմ գալիս, քանի որ ամուսնացել էի մի ընտանիքում, որտեղից սերում էին բացառիկ մարդիկ՝ Տիգրան Լևոնյանը, Գոհար Գասպարյանը։ Սա մեծ պատասխանատվություն էր»,- պատմում է դերասանուհին։ Չնայած ժամանակի դժվարություններին, Գոհարն ընդգծում է, որ Արմենի հանդեպ իր սերը միշտ մնացել է անփոփոխ։ Նրանց փոխհարաբերությունները ոչ միայն ամուսնություն էին, այլև արվեստի հանդեպ նույն նվիրումի ու հարգանքի արտացոլում։ Ամբողջական հարցազրույցը ստորև․