Օրերով լացում էի, չէի հասկանում՝ ինչպես կարող է երեխան ապրել առանց մոր․ Մաշա Մաթևոսյանը՝ մանկության դժվարությունների, ընտանեկան բաժանման ու նոր կյանքի փորձությունների մասին․ Տեսանյութ
«Կյանքի ուղիներով» հաղորդման հյուրն էր Մաշա Մաթևոսյանը, ով կիսվեց իր մանկության դժվարությունների, ծնողների բաժանման և Մոսկվայում կյանքի մասին։
Մաշան 10 տարեկանում ստիպված է եղել լքել Հայաստանը և տեղափոխվել Ռուսաստան՝ իր հոր հետ։
Պատճառը եղել է ընտանիքում ծագած խնդիրները․ նրա մայրական պապը՝ հայտնի կոլեկցիոներ, հայտնվել է դատարանի առջև, ինչը հակասում էր Մաշայի հոր՝ ոստիկան լինելու հանգամանքին։
Իրավիճակն առաջացրել է լուրջ հակասություններ ընտանիքում, և ծնողները որոշել են բաժանվել։
Ռուսաստանում ապագայի համար ավելի մեծ հնարավորություններ տեսնելով՝ որոշվել է, որ Մաշան պետք է ապրի հոր հետ։
Սակայն այդ որոշումը չի համընկել աղջկա ցանկության հետ, քանի որ նա ձգտում էր մոր մոտ մնալ։ Նա դժվարությամբ է հարմարվել նոր միջավայրին, որտեղ հոր կողքին արդեն նոր կին կար։
«Օրերով լացում էի, չէի հասկանում՝ ինչպես կարող է երեխան ապրել առանց մոր։ Խոսել կարողանում էինք միայն շաբաթը մեկ-երկու անգամ։ Հորս կինը շատ հոգատար էր, բայց նրանց մտածելակերպը շատ էր տարբերվում մեր ընտանիքից։
Այնտեղ բնական էր, որ երեխային տնային գործեր հանձնարարեին, մինչդեռ մայրս երբեք նման բան չէր պահանջի», – պատմել է Մաշան։
Նա նշել է, որ երկար ժամանակ իրեն զգացել է «Մոխրոտիկի» տեղում՝ փորձելով անել ամեն բան, որպեսզի մայրը նրան հետ վերադարձնի Երևան։
#Մաշա #Մաթևոսյանի #մանկության #դժվարությունները #ընտանեկան #բաժանումն #ու #նոր #կյանքի #փորձությունները