Քանի տարվա ազատազրկnւմ է սպաuում երգիչ Անդրեին, եթե նրա մեղքը հաuտատվի
Երգիչ Անդրեի և նրա կնոջ անձնական կյանքի շուրջ քննարկումները համացանցում չեն դադարում, որոնք նոր թափ են ստացել Անդրեի նախկին կնոջ՝ Անի Օհանյանի սոցիալական ցանցերում արված գրառման ֆոնին։
Ըստ նրա ներկայացրած պնդումների՝ երգիչը բռնություն է գործադրել իր նկատմամբ։
Անդրեն դեռևս արձագանք չի տվել այդ հրապարակմանը, ինչպես նաև լռություն է պահպանում նրա քույրը, ով համարվում է երգչի մենեջերը և պրոդյուսերը։
Ի՞նչ է սպասվում երգչին ՀՀ Քրեական օրենսգրքով, եթե նրա մեղքն ապացուցվի
Օհանյանի հրապարակման մեջ ներկայացված տեղեկությունները նախնական տեսքով պարունակում են ՀՀ Քրեական օրենսգրքի 196-րդ հոդվածի 2-րդ մասում նշված հատկանիշները, որը վերաբերում է մերձավոր հարազատի կամ նախկին զուգընկերոջ նկատմամբ ֆիզիկական ցավ կամ հոգեբանական ծանր տառապանք պատճառելուն։ Այս արարքը կարող է պատժվել երեքից յոթ տարվա ազատազրկմամբ։
Factor TV-ին ՀՀ դատախազությունից հայտնել են, որ Անի Օհանյանի գրառման հիման վրա արդեն իսկ ուսումնասիրվում է դեպքը։
Նախկին կինը, մասնավորապես, գրել էր․ «Ես սիրահարված էի մի մարդու, ով առաջին հայացքից թվաց հմայիչ։ Բայց նրա նրբագեղ արտաքինի հետևում թաքնված էր իսկական մղձավանջ։
Յուրաքանչյուր առավոտ արթնանում էի վախով ու տագնապով՝ չգիտեի, թե այդ օրը բարի կլինի, թե՝ կոպիտ, վիրավորանքներ կհնչեցնի, հարված կտա, թե հերթական անգամ ինձ սպառնալու է զրկել երեխայից»։
Նշենք, որ իրավական տեսանկյունից՝ զանգվածային լրատվամիջոցներում հնչած տեղեկատվությունը կարող է իրավապահ մարմինների համար հիմք հանդիսանալ պաշտոնական քննություն սկսելու համար։
Տեղեկացում՝ ցանկացած անձ համարվում է անմեղ, քանի դեռ նրա մեղավորությունը դատարանի օրինական ուժի մեջ մտած դատավճռով չի ապացուցվել՝ համաձայն ՀՀ քրեական դատավարության օրենսգրքի։
#Քանի #տարվա #ազատազրկnւմ #սպաuում #երգիչ #Անդրեին #եթե #նրա #մեղքը #հաuտատվի
