Անահիտ Կիրակոսյանը Վալերի Մելաձեի հետ երգում նրա երևանյան համերգին

Դերասանուհի Անահիտ Կիրակոսյանը վերջերս իր ինստագրամյան էջում հրապարակել է տեսանյութեր, որոնք մեծ արձագանք են ստացել։ Տեսանյութերում նա ելույթ է ունենում Վալերի Մելաձեի հետ՝ միևնույն բեմում, Մելաձեի երևանյան համերգի ժամանակ։

Տեսանյութն ու ամբողջական նյութը առաջին մեկնաբանության մեջ

Անահիտը հրապարակմանը կից գրել է. «Երեկվա հրաշալի, էմոցիոնալ միջոցառումից մի հատված… մեր իմպրովիզ դուետը @meladzevalerian-ի հետ»։

Սա դերասանուհու համար կարևոր ու հիշարժան պահ էր, ինչը ևս մեկ անգամ ընդգծեց նրա բազմակողմանի տաղանդն ու բեմական ներկայության ուժը։ Այս շրջանում Անահիտը շատ զբաղված է տարբեր նախագծերով, ինչը վկայում է նրա մասնագիտական պահանջվածության մասին։

Միևնույն ժամանակ, նա չի շրջանցել «Women’s Club»-ից հեռանալու թեման։ Նախորդ հարցազրույցներից մեկում անդրադառնալով այդ որոշմանը՝ Անահիտը անկեղծորեն ասել է․ «Ես չէի համապատասխանում այդ նախագծին, և նախագիծն էլ՝ ինձ։

Այն ինչ ուզում էի անել՝ չէր ստացվում, իսկ ինչ պահանջվում էր ինձնից՝ չէր համապատասխանում իմ տեսլականին։ Կային դրվագներ, երբ ուղղակի ասում էի՝ սա չեմ խաղա։

Ես դերասանուհի եմ, մասնագիտությամբ ու հոգով, բայց ունեմ հստակ սահմաններ՝ “չի կարելի”-ների իմ ցուցակը։ Եթե դա համարվում է ոչ պրոֆեսիոնալ, թող լինի այդպես։ Բայց կոնֆլիկտ չի եղել։

Խմբի բոլոր անդամներին հարգում և սիրում եմ։ Պարզապես ես այդ նախագծի մեջ ինձ չէի տեսնում»։