«Մամա, մամ, լսո՞ւմ ես ինձ». Արմանի անավարտ պատմությունը

Medialab.am-ը գրում է․

Իրինան հեռախոսում ցույց է տալիս միջնեկ որդու՝ Արմանի զինվորական համազգեստով լուսանկարները։ Սա միակ բանն է, որ մնացել է որդուց հիշատակ։ Արման Մնացականյանը զոհվել է 18 տարեկանում, 2023 թվականի սեպտեմբերի 19-ին՝ պաշտպանելով Արցախի Հանրապետության Մաղավուզի դիրքերը: Մեկօրյա պատերազմի ընթացքում Արմանն առաջին զոհն էր Մարտակերտի տարածքում. Մամա, մամ, լսո՞ւմ ես ինձ՝ սրանք վերջին բառերն են, որ հեռախոսով լսել է մայրը։

Տիկին Իրինան՝ ետևում երկու որդիների լուսանկարը։ Աջից՝ Արմանը

Մայրը որդու մասին անցյալով խոսել չի կարողանում, բայց ստիպում է իրեն. «Նա յուրահատուկ երեխա էր։ Իր տարիքից միշտ հասուն էր երևում թե՛ խելքով, թե՛ ֆիզիկապես։ Արմանը նոր էր զորակոչվել Արցախի բանակ, ծառայում էր 8 ամիս: Մենք շրջափակման մեջ էինք, բայց փորձում էի իր սիրած թխվածքները ուղարկել դիրքեր։ Երազում էր մարզական կարիերայի մասին, փոքրուց շատ մեդալներ ուներ որպես ըմբշամարտիկ»։

Մանրամասն՝ ԱՅՍՏԵՂ