Մայիսի 4-ին Կոտայքի մարզի Մարմարիկ գյուղում անհետացած 2-ամյա Տիգրանի  հայրը՝ Արթուր Մանուկյանը, «Փաստինֆո»-ի հետ զրույցում կիսվել է որդու անհետացման դեպքի վերաբերյալ իր մտահոգություններով։

Նրա խոսքով, չնայած փրկարարները ջանքեր են գործադրում՝ որոնելով Տիգրանին Մարմարիկ գետում և  ՀՀ այլ տարածքներում,  մինչ այժմ որևէ հետք չի հայտնաբերվել։ Նա ընդգծել է, որ գետից տարբեր կենդանիների դիեր են դուրս բերվել, սակայն, իր որդու հետքը չկա։

 

«Ոչ մի հետք չկա, այս ջրից ինչ ասես հանել են՝ կատու, գառ, հորթ, հավ, բայց փաստն այն է, որ երեխաս չկա, չկա կոշիկ, շոր, իրենից ոչինչ չկա։ Ոչ մի վարկած էլ չեմ բացառում։ Կարող ա տարել են. կարող ա ո՞րն է, այսօր փաստը վկայում է, ու ես հակված եմ նրան, որ ավելի շատ տարել են»,- նշել է նա։