․Տեսանյութ․ «Ամուսնալուծությունը դարձավ իմ կյանքի ամենամեծ դասերից մեկը». Վլադ Խառատյան
«Ամուսնալուծությունը դարձավ իմ կյանքի ամենամեծ դասերից մեկը». Վլադ Խառատյան
Ֆիթնես մարզիչ Վլադ Խառատյանը «Կյանքի ճանապարհին» հաղորդման շրջանակում կիսվել է իր անցած դժվարություններով ու դրանցից քաղած դասերով։
Նա հաստատել է, որ ամուսնալուծության լուրերը ճիշտ են և ընդգծել է՝ այդ փուլը իր կյանքի ամենամեծ փորձություններից մեկն էր։
«Այդ ամենն ինձ շատ բան սովորեցրեց։ Կյանքում կան փորձություններ, որոնք առանց անձնական ցնցումների չես կարող հաղթահարել։ Հենց այդ ծանր պահին ես հասկացա՝ արդյոք ունակ եմ սիրել մարդկանց անշահախնդիր, թե ոչ։
Այդպիսի փուլերը մեզ պատրաստում են կյանքի հետագա մարտահրավերներին և օգնում ինքնաճանաչման գործընթացում», – անկեղծացել է նա։
Վլադը խոսել է նաև իր պատանեկության տարիների մասին՝ նշելով, որ դեռ 15 տարեկանում բախվել է մենակության ու ներքին տրավմաների։
«Դպրոցական տարիքում ինձ չէին ընդունում, և ես ստիպված էի ապավինել սպորտին։ Սկսեցի զբաղվել իմ արտաքինով, բայց հետո գիտակցեցի՝ միայն արտաքին տեսքով մարդ երջանկություն չի բերում։»
Ըստ նրա՝ իրական արժեքը մարդու մեջ է, և եթե չես կարող ուրախացնել ու լույս տալ մյուսներին, ապա արտաքին փայլը քիչ բան է նշանակում։
Վլադ Խառատյանը խոսել է նաև նյութապաշտության ու ժամանակակից հարաբերությունների մասին։ «Ժամանակի ընթացքում հասկանում ես, որ գումարի առկայությունը հաճախ խանգարում է ճշմարիտ սիրո ծնունդին։
Շատերը հավատում են, թե փողը կբերի սեր, բայց դա խաբկանք է։ Իրական սերը կայանում է այն ժամանակ, երբ դու չես փայլում ունեցվածքով, բայց միևնույն է, սիրում են քեզ։»
Վերջում մարզիչը ընդգծել է, որ բոլոր հուշերն արժանի են հիշվելու, բայց չի կարելի դրանց վրա կանգ առնել։ «Անցյալը մեզ ձևավորում է, բայց առաջ շարժվելն է մեզ զարգացնում։ Պետք է շարունակել ինքնազարգացման ուղին, անկախ ամեն ինչից»։
#Տեսանյութ #Ամուսնալուծությունը #դարձավ #իմ #կյանքի #ամենամեծ #դասերից #մեկը #Վլադ #Խառատյան
