Երբ հետազոտել կուրծքը. կրծքագեղձի քաղցկեղ. լսեք բժշկին
Ե՞րբ հետազոտել կրծքագեղձը, անհրաժեշտ է կատարել ամենամյա՞ հետազոտություն, թե՞ բժշկի դիմել, երբ արդեն կան գանգատներ:
Թեման պարզաբանում է «Էրեբունի» ԲԿ մամոլոգիայի և կրծքագեղձի վիրաբուժության ծառայության ղեկավար Ներսես Բերբերյանը:
Քաղցկեղային հիվանդությունների մեջ կրծքագեղձի քաղցկեղն ամենաշատ հանդիպող հիվանդությունն է:
Չնայած դրան՝ բուժման ցուցանիշները բավական բարձր են: Իսկ գրավականը՝ քաղցկեղի շուտ հայտնաբերումն է:
Որքան շուտ հայտնաբերվի ուռուցքը, այնքան բուժման ընթացքն ավելի հեշտ կընթանա:
Մինչև 40 տարեկանը տարին մեկ կամ երկու անգամ կանայք պետք է անցնեն սոնոգրաֆիկ հետազոտություն, իսկ 40 տարեկանից հետո անհրաժեշտ է անցնել պրոֆիլակտիկ մամոգրաֆիկ հետազոտություն:
Մամոգրաֆիկ հետազոտությունից վախենալու անհրաժեշտություն չկա: Այն հնարավորություն է տալիս հայտնաբերել քաղցկեղն ամենավաղ փուլերում:
#Երբ #հետազոտել #կուրծքը #կրծքագեղձի #քաղցկեղ #լսեք #բժշկին
