Լյարդը մարդու օրգանիզմի ամենակարևոր օրգաններից մեկն է, որը մասնակցում է բազմաթիվ կենսական գործընթացների։ Դրա աշխատանքի խանգարումները կարող են երկար ժամանակ աննկատ մնալ, այդ պատճառով կարևոր է ուշադրություն դարձնել նույնիսկ աննշան փոփոխություններին։

Կան մի շարք ախտանշաններ, որոնք կարող են հուշել լյարդի հետ կապված խնդիրների մասին․

• եղունգների գունատ կամ դեղնավուն երանգ,
• մարմնի տարբեր հատվածներում հաճախակի կապտուկների առաջացում,
• մաշկի և աչքերի սպիտակուցների դեղնացում,
• ոտքերի այտուցվածություն,
• մաշկի քոր և գրգռվածություն,
• մուգ գույնի մեզ,
• բաց գույնի արտաթորանք կամ արյան առկայություն,
• մշտական հոգնածություն,
• սրտխառնոց և փսխում,
• ախորժակի նվազում։

Եթե նման նշաններ եք նկատում, անհրաժեշտ է ժամանակին դիմել բժշկի և անցնել համապատասխան հետազոտություններ։

Լյարդի առողջությունը պահպանելու համար մասնագետները խորհուրդ են տալիս վարել առողջ ապրելակերպ և հետևել սննդակարգին։ Կարևոր է օրվա ընթացքում բավարար քանակությամբ ջուր օգտագործել, սննդակարգում ընդգրկել բնական և օգտակար մթերքներ, սահմանափակել շաքարի և վերամշակված յուղերի կիրառումը։

Օգտակար է հաճախ օգտագործել բանջարեղեն, ընդեղեն, սերմեր, սպիտակուցներով հարուստ մթերքներ, ինչպես նաև բջջանյութ պարունակող սնունդ։ Լյարդի աշխատանքին նպաստող մթերքներից են կաղամբը, բազուկը, սպանախը, մաղադանոսը, ձուն և հավի միսը։

Բացի այդ, կարևոր է հնարավորինս նվազեցնել ալկոհոլի օգտագործումը, քանի որ այն լուրջ վնաս կարող է հասցնել լյարդին և նպաստել տարբեր հիվանդությունների զարգացմանը։

Նյութը պատրաստեց հրապարակման՝ MediaTime.am-ը։