44-օրյա պատերազմի հետևանքով հայկական կողմից զոհվել է 3833 մարդ։

Այդ մասին մայիսի 15-ին Արմավիրում անցկացված հանրահավաքի ժամանակ հայտարարել է արձակուրդում գտնվող ՀՀ ԱԺ նախագահ Ալեն Սիմոնյանը, որը ներառված է իշխող «ՔՊ» կուսակցության համամասնական ցուցակում։

«Սրանք հաստատված թվեր են, հարուցված են քրեական գործեր»,– նշել է նա։

Սիմոնյանը նաև հայտնել է անհայտ կորածների մոտավոր թիվը՝ շուրջ 160 մարդ։

Նա ընդդիմությանը մեղադրել է զոհերի թվերը, իր գնահատմամբ, արհեստականորեն ուռճացնելու համար՝ հարցադրելով. «Ինչո՞ւ եք փորձում զոհերի հաշվին քաղաքական դիվիդենդներ շահել»։