«Հայաստանը նույն ձև շարունակել էլ չի կարող»,-արմավիրցիների հետ հանդիպմանն ասաց «Ուժեղ Հայաստան» կուսակցության խորհրդի ղեկավար Նարեկ Կարապետյանը։

Նշելով, որ Արմավիրի մարզի Դալարիկ գյուղում տեսել է, թե մարդիկ ինչպես են կրպակից ջուր գնում, որովհետև գյուղում ջուր չկա՝ Կարապետյանն ասաց. «Մենք այնքան քիչ սպասելիքներ ենք ունեցել մեր երկրից, որ սովորական ջուր չունենալով հարմարվել ենք»։

Նա նկատեց, որ հայ ժողովուրդը իդեալական է. «Ղեկավարը կարա քեֆ անի, ու երբ պատերազմ լինի, ասի՝ տնից բրոնեժիլետ վերցրեք գնացեք կռվեք, որովհետև ժողովուրդն ամեն ինչի հետ հարմարվում է»։

«Ես այսօր Արմավիրում տեսա աղքատ մարդու, ում չէր հետաքրքրում իր աղքատությունը, այլ հետաքրքրում էր հայրենիքը»,- ասաց Նարեկ Կարապետյանը՝ նշելով սակայն, որ իրեն է հետաքրքրում տվյալ քաղաքացու վատ ապրելակերպը տան վիճակը։

«Երկու ասֆալտ չէ մեր խնդիրը, խմելու ջուրը չէ մեր խնդիրը, մենք աշխարհը կարող ենք շուռ տալ»,- ասաց Նարեկ Կարապետյանը՝ նշելով որ փոփոխությունները հնարավոր է միայն Սամվել կարապետյանի հետ, իսկ վերջինս քաղաքական գործիչ չէ և քիչ է խոսում, որովհետև պատասխանատու է իր ամեն մի բառի համար՝ ի տարբերություն քաղաքական գործիչների, որոնք կարող են խոստանալ ամեն ինչ։