Իրենց մոտ սովորություն է դարձել, միշտ ինչ-որ բաներ են խոսք տալիս, վերջում տեղի է ունենում լրիվ հակառակը. այսքան ժամանակ մի բան են խոսք տվել ու արել, դա կասենք հետո ինչ են խոսք տվել ու արել, իսկ մնացողը ինչ խոսք են տվել չի կատարվել։ Այս մասին, այսօր՝ ապրիլի 17–ին, Հակակոռուպցիոն դատարանի բակում լրագրողների հետ զրույցում նշեց «Ուժեղ Հայաստան» կուսակցության նախընտրական ցուցակը գլխավորող Նարեկ Կարապետյանը։

«Երբ ասում են պատերազմի ինչ-որ եռագլուխ կուսակցություն, ես ուզում եմ ասել, որ պատերազմի 300 հազար  գլուխ ունեցող կուսակցությունը, իրենք են, այն 300.000 մարդը հարևան երկրից, ում ուզում են իրենք բերեն մեր երկիր։ 300.000 գլուխ անոց պատերազմի կուսակցությունը ՔՊ-ն է, որ ուզում է Հայաստան բերել  օտարածին, թշնամի համարող ազգի, որ չի կարողանալու մերժել իր նոր ընկերոջը, որպեսզի Հայաստանը մաքուր պահի դրսի ազդեցություններից։ Ինչ իր նոր ընկերը ասում է, նա անում է»,–ասաց նա։

Անդրադառնալով մտավախություններին, որ հնարավոր է՝ իրենց կուսակցությունը չգրանցեն, Նարեկ Կարապետյանն ասաց. «Դրանք լավ մտավախություններ են. երբ ՔՊ–ն սկսում է խոսել կուսակցությունը չգրանցելու մասին, նշանակում է, որ նրանք վստահ են, որ չեն հաղթելու մեզ, պարտվելու են։ Դրան էլ այլընտրանք կա, բայց մեր հույսը իհարկե ժողովրդավարական երկրի ճանապարհով գնալն է։

Հետաքրքիր է, ո՞վ է պատերազմ բերել, որ հետո էլ խաղաղություն է բերել։ 25 տարի խաղաղության դարաշրջան էր Հայաստանում, ո՞վ բերեց պատերազմը, որի խաղաղությունով ձեզ ուրախացնում են։