Ամեն ամիս այս օրը ցավն ավելի է խորանում։ Որովհետև հեռավորությունը այսօրվա ու այն օրվա միջև, երբ կայիր դու, Պապ, գնալով շատանում է։ Ու ես ավելի ու ավելի եմ հեռանում իմ կյանքի անհոգ, երջանիկ ու խաղաղ օրերից։

Այս մասին իր ինստագրամյան էջում գրել է Փարաքարի սպանված համայնքապետ Վալոդյա Գրիգորյանի դուստրը՝ Մարինե Գրիգորյանը։

«Կարոտում եմ։ Միայն դա կարող եմ ասել։ Ամեն օր, ամեն ժամ, րոպե ու վայրկյան կարոտում եմ։ Խորը շունչ եմ քաշում ու փորձում ապրել, բայց արտաշնչելու պահից սկսած՝ նորից կարոտն իրենն անում է։

8 ամիս… որ դառնալու է 8 տարի, 18 տարի, 28, 38 ու անվերջ տարիներ, որտեղ դու չես լինելու, Պապ։ Տարիներ, որտեղ ամեն օր զրոյից ենք սովորելու ապրել առանց քեզ։

Չգիտեմ… Այսօր մի քիչ ավելի շատ, քան երեկ, վաղնել ավելի շատ, քան այսօր…ահավոր է»,- գրել է նա։