Ես քահանայի թոռ եմ, «Հայր Մերը» 3 լեզվով գիտեմ, իմ հորական կողմի պապը քահանա է եղել, Աստղաշեն գյուղում, նախկին անունը Դաշբուլաղ էր։

Վերջին քահանան է եղել, որովհետև 1926-1927 թվականներին Ղարաբաղում բոլոր եկեղեցիները փակվել են Ադրբեջանի իշխանությունների կողմից։ Ո՞նց կարա քահանայի թոռը չիմանա «Հայր մերը»։ Գյուղում մեր ազգին ասում էին Դերունց, իսկ պապիս անունն էր Սարգիս Քոչարյանը։ Այս մասին երիտասարների և «Հայաստան» խմբակցության պատգամավորների հանդիպման ժամանակ նշեց ՀՀ երկրորդ նախագահ Ռոբերտ Քոչարյանը։

Անդրադառնալով կոռուպցիայի դեմ պայքարին, Քոչարյանն ասաց. «Մի կողմից պետք է համակարգն այնպես աշխատի, որ կոռուպցիոն ռիսկերը հնարավորություն չունենան ուղղակի դրսևորվելու, մյուս կողմից եթե այդ դեպքերը կան, ուրեմն խիստ պատիժներ պետք է սահմանվեն։ Ավելի մեծ պրոբլեմը եղել է պաշտոնյաների փոխկապվածությունը բիզնեսների հետ, այ սա պետք է բացառվի»։