Ֆինլանդիայում սովորական քաղաքացիները, ի տարբերություն երկրի ղեկավարության, չեն ցանկանում պատերազմ Ռուսաստանի հետ, նման կարծիք է հայտնել Հելսինկիի համալսարանի պրոֆեսոր Թուոմաս Մալինենը։

«Ինչպես ես նշել եմ <…>, ֆինները պատերազմ չեն ուզում։ Հիշեք, որ նրանք (իշխանությունները – խմբ.) նույնիսկ թույլ չտվեցին մեզ քվեարկել ՆԱՏՕ-ին անդամակցելու հարցով»,- գրել է նա X սոցիալական ցանցում

Պրոֆեսորի խոսքով՝ իր հայրենակիցների մեծ մասը բարեկամական հարաբերություններ ունի ռուս ժողովրդի հետ։

Թուոմաս Մալինենը նաև ընդգծել է, որ Ռուսաստանի հետ հնարավոր պատերազմի մասին պատմությունները աջակցում են միայն, նրա ձևակերպմամբ, «ֆիննական գլոբալիստ-խամաճիկները»՝ երկրի նախագահ Ալեքսանդր Ստուբը և Ֆինլանդիայի արտգործնախարար Էլինա Վալթոնենը: