Մոսկվայի մարզի Բոլշևիկ գյուղում աղբամանում նորածին երեխա է հայտնաբերվել։ Այս մասին հայտնում է «Московский комсомолец»-ը։

Նախնական տեղեկությունների համաձայն՝ երեխան կյանքի նշաններ չի ունեցել։ Դեպքի հանգամանքները դեռևս պարզվում են։

Լրատվամիջոցի տվյալներով՝ ենթադրվում է, որ երեխան ծնվել է վաղաժամ, իսկ նրա ծնողները, ըստ նախնական տեղեկությունների, միգրանտներ են։ Նրանց գտնվելու ուղղությամբ որոնողական աշխատանքներ են իրականացվում։

Իրավապահ մարմինները ուսումնասիրում են դեպքի բոլոր հանգամանքները՝ պարզելու, թե ինչպես է երեխան հայտնվել այդ վայրում և ինչ է տեղի ունեցել նախքան միջադեպը։

Դեպքի վերաբերյալ քննությունը շարունակվում է։