Հանրապետության տարածքում մայիսի 31-ի ցերեկը, հունիսի 1-5-ը՝ առավելապես ցերեկային ժամերին, առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Հունիսի 1-5-ը գիշերային ժամերին սպասվում է առանց տեղումների եղանակ։

Քամին հյուսիսարևմտյան է՝ 2-5 մ/վ, իսկ ամպրոպի ժամանակ սպասվում է նաև քամու ուժգնացում՝ 17-20 մ/վ արագությամբ։

Օդի ջերմաստիճանը մայիսի 31-ի ցերեկը և հունիսի 1-2-ին աստիճանաբար կբարձրանա 3-4 աստիճանով։

Երևանում մայիսի 31-ի ցերեկը և հունիսի 1-5-ը գիշերային ժամերին սպասվում է առանց տեղումների եղանակ։ Հունիսի 1-5-ը՝ առավելապես երեկոյան ժամերին, սպասվում է կարճատև անձրև և ամպրոպ, որի ընթացքում հնարավոր է նաև քամու ուժգնացում՝ 17-20 մ/վ արագությամբ։