Կողմ ենք Թուրքիայի հետ ապրանքաշրջանառությանը, բայց միայն հայկական շահը առաջ տանելու դեպքում: Այս մասին Արարատի մարզում ասուլիսի ժամանակ ասել է «Ուժեղ Հայաստան» կուսակցության խորհրդի անդամ Նարեկ Կարապետյանը:

Պետությանը պետք է նորմալ տնտեսական քաղաքականություն, որպեսզի թույլ չտրվի, որ, օրինակ գյուղմթերքը Թուրքիայով գա Հայաստան, ոչնչացնի հայ գյուղացուն, նշել է Նարեկ Կարապետյանը։

«Թուրքիան գազի, էլեկտրաէներգիայի 50 տոկոսը սուբսիդավորում է իր քաղաքացիների համար։ Թուրքիան հնարավորություն կունենա էժան ապրանքով խեղդել մեր գյուղացու ապրանքը, գյուղացիներին մատնել աղքատության, Դրա դեմ պայքարելու մի ձև կա՝ պաշտպանել տեղական արտադրողին, տանել լավ տնտեսական քաղաքականություն, ունենալ առաջնորդ, որը կարողանում է «չէ» ասել այնտեղ, որտեղ մեզ ձեռնտու չէ, և «հա» ասել այնտեղ, որտեղ կա հայկական շահ», – ասաց Կարապետյանը։