Նաիրի Հոխիկյանի և Գևորգ Խաչատրյանի միջև տեղի ունեցած ծեծկռտուքի փաստով նախաձեռնվել է քրեական վարույթ Վերջին նորություններ Հայաստանից և աշխարհից

🕓 Время чтения: 2 мин

Փարաքար խոշորացված համայնքի Նորակերտ բնակավայրում տեղի ունեցած ծեծկռտուքի փաստով նախաձեռնվել է քրեական վարույթ:

«Հայկական ժամանակ»-ի հարցին ի պատասխան՝ ՀՀ քննչական կոմիտեից հայտնել են.

«Նորակերտում տեղի ունեցած դեպքի վերաբերյալ ստացվել է առերևույթ հանցանքի մասին 2 հաղորդում, որոնց հիման վրա նախաձեռնվել է քրեական վարույթ՝ խուլիգանության, հոգեկան և ֆիզիկական ներգործության հատկանիշներով:

Ավելի վաղ «Հայկական ժամանակ»-ը, հղում անելով իր տեղեկություններին, հայտնել էր, որ Փարաքար խոշորացված համայնքի Նորակերտ բնակավայրում միջադեպ-ծեծկռտուք էր եղել:

Մեզ հասած տեղեկություններով՝ միջադեպ-ծեծկռտուքը եղել էր «Ուժեղ Հայաստան» կուսակցության համակիր Նաիրի Հոխիկյանի և «Քաղաքացիական պայմանագիր» կուսակցության անդամ Գևորգ Խաչատրյանի միջև:

Ըստ նույն տեղեկությունների՝ Հոխիկյանը հարվածել էր Խաչատրյանին և ահաբեկել ատրճանակով:

Մենք նաև տեղեկություններ էինք ստացել, որ վիճաբանությունը ծագել էր նախընտրական պաստառի հետ կապված հարցից, որից հետո Հոխիկյանը «Ֆեյսբուք»-ի իր էջում գրառումներ էր կատարել՝ վիրավորելով Խաչատրյանին և իշխող ուժի այլ անդամների, այնուհետև Խաչատրյանը Հոխիկյանից պարզաբանում էր պահանջել, թե ինչու է վիրավորում: Հոխիկյանը, սակայն, չկարողանալով հիմնավորել իր քայլերը, հարվածել էր Խաչատրյանին:

ՆԳՆ ոստիկանությունից «Հայկական ժամանակ»-ին հայտնել էին, որ միջադեպի վերաբերյալ հաղորդում է ներկայացվել ՀՀ քննչական կոմիտե:

Իսկ թե ինչ ատրճանակով է Հոխիկյանը ահաբեկել, հավելյալ մանրամասներ չէին հայտնել:

Հոխիկյանը, սակայն, պնդում է, թե իր վրա են հարձակում գործել:

#Նաիրի #Հոխիկյանի #Գևորգ #Խաչատրյանի #միջև #տեղի #ունեցած #ծեծկռտուքի #փաստով #նախաձեռնվել #քրեական #վարույթ