Daily Mirror պարբերականը հրապարակել է բրիտանացի Բրայան Գեմմելի պատմությունը, ում մոտ թոքերի քաղցկեղը երկար ժամանակ չի դրսևորվել դասական ախտանիշներով։ Հիվանդության միակ ազդակը եղել է մատների ձևի փոփոխությունը։

Ինչպես հայտնում է Planet Today-ը, մինչև ախտորոշումը հիվանդի մատները ձեռք են բերել «թմբկափայտիկների» տեսք՝ մատների ծայրերի հաստացմամբ և եղունգների ձևի փոփոխությամբ։ Բժշկության մեջ այս ախտանիշը վաղուց հայտնի է որպես թոքերի մի շարք քրոնիկ հիվանդությունների, մասնավորապես՝ ուռուցքային գործընթացների նշան։

Գեմմելը պատմել է, թե ինչպես կարելի է ինքնուրույն հայտնաբերել այդ փոփոխությունը. հարկավոր է երկու մատները (սովորաբար ցուցամատները) հպել իրար այնպես, որ դրանք հպվեն ամբողջ երկայնքով, իսկ եղունգները լինեն դեմ դիմաց։ Բնականոն վիճակում եղունգների հիմքի մոտ պետք է մնա փոքրիկ լուսանցք՝ շեղանկյունաձև «պատուհան»։ Եթե այդ արանքը բացակայում է, հավանական են փափուկ հյուսվածքների ախտաբանական փոփոխություններ։

Բժիշկներն ընդգծում են, որ այս ախտանիշը լայն տարածուն ունի, սակայն սպեցիֆիկ չէ։ Գոյություն ունեն հիվանդության ավելի տարածված նշաններ, ինչպիսիք են՝ տևական հազը (երեք շաբաթից ավելի), հևոցը, խռպոցները, շնչառական ուղիների հաճախակի վարակները, կրծքավանդակում կամ ուսի շրջանում ցավը, խորխի մեջ արյան առկայությունը։ Այլ՝ ավելի քիչ տարածված ախտանիշներից են քրոնիկական հոգնածությունը, խռպոտ ձայնը և դեմքի կամ պարանոցի այտուցները։