Նիկոլ Փաշինյանն, ըստ ամենայնի, մտադիր է առավելագույն ջանքեր գործադրել Հայաստանն աշխարհաքաղաքական բախումների թատերաբեմի վերածելու համար։ Խոսքն, իհարկե, ուկրաինական պատերազմի շուրջ ԵՄ-Ռուսաստան լարված հարաբերությունների և դիմակայության պայմաններում Երևանում մայիսի 4-ին կայանալիք Եվրոպական քաղաքական համայնքի 8-րդ գագաթնաժողովի անցկացման մասին է։
Ինչպես արդեն պաշտոնապես է հաստատվել՝ ակնկալվում է, որ ԵՔՀ գագաթնաժողովին մասնակցելու նպատակով այս օրերին Երևան է ժամանելու Ուկրաինայի նախագահ Վլադիմիր Զելենսկին։
168.am-ի տեղեկություններով՝ գագաթնաժողովին Հայաստան է գալու նաև արևմտյան աջակցությունը վայելող մեկ այլ քաղաքական գործիչ՝ բելառուսական ընդդիմության առաջնորդ Սվետլանա Տիխանովսկայան։
Ավելի վաղ 168.am-ը հայտնել էր, որ ըստ իր աղբյուրների՝ գագաթնաժողովին մասնակցելու նպատակով Հայաստան է ժամանելու նաև Ուկրաինայի նախագահ Վլադիմիր Զելենսկին. ՀՀ արտգործնախարարությունը դեռևս փորձում է նրա այցի մասին տեղեկատվությունը գաղտնի պահել:
#Փաշինյանի #վտանգավոր #խաղերը #Հայաստանի #գլխին #Զելենսկի #Տիխանովսկայա
