Ուժեղ Հայաստան կուսակցության նախագահ, վարչապետ թեկնածու Սամվել Կարապետյանը ուղերձ է հղել Հանրապետության օրվա կապակցությամբ.

«Սիրելի հայրենակիցներ, այսօր մայիսի 28-ն է, մայիսյան հերոսամարտերում մեր հաղթանակի օրը, այն օրը, երբ հայ ժողովուրդը որոշեց ապրել ոչ թե ուրիշների ողորմությամբ, այլ իր պետությամբ: 1918 թվականին Հայաստանը չուներ բանակ, չուներ ռեսուրս, չուներ տնտեսություն, բայց ուներ ամենակարևորը՝ կամք: Այսօր մենք խոնարհվում ենք նրանց առաջ, ովքեր կռվեցին, որպեսզի Հայաստանը գոյություն ունենա քարտեզի վրա, բայց մայիսի 28-ը միայն անցյալի մասին չէ, այն մեր այսօրվա քննությունն է: Այսօր կրկին մեր առջև նույն հարցն է՝ կլինենք ուժեղ պետություն, թե թույլ տարածք, որի ճակատագիրը որոշում են ուրիշները: Այսօր Երևանում անցկացվում է ռազմական շքերթ, և իհարկե յուրաքանչյուր հայ հպարտանում է իր զինվորով, բայց մենք պարտավոր ենք ասել ճշմարտությունը: Բանակը քայլերթի մասին չէ, ոչ էլ փիառի, ոչ մի ռազմական շքերթ մեզ չի պաշտպանելու, երբ գան 300 000 ադրբեջանցիները. փոքրիկ խմբակի կողմից նման միջոցառումների իրականացումն ունի միայն մեկ նպատակ՝ թաքցնել ձեզանից իրականությունը, ադրբեջանցիների Հայաստան բնակեցնելու ծրագիրը»,– նշել է նա:

Մանրամասները՝ տեսանյութում: