Երեկ Սպիտակի շրջանում էի, խնդրում եմ, որ այցելեք այդ շրջանի գյուղեր ու տեսնեք, թե ինչպես են մարդիկ ապրում, այս մասին քարոզարշավի ընթացքում լրագրողներին ասաց «Ուժեղ Հայաստան» կուսակցության նախընտրական ցուցակը գլխավորող Նարեկ Կարապետյանը։
«Երբ ասեն, որ աղքատությունը հաղթահարված է, թող գան մեր գյուղեր։ Մոտավորապես 600 հազար քաղաքացի աղքատ է, հացի խնդրով է ապրում»,-ասաց Կարապետյանը։
Հարցին՝ քաղաքացին իր գրպանի վրա ինչպե՞ս կզգա Ռուսաստանի հետ ներկա զարգացումները, Կարապետյանը պատասխանեց՝ մեր երկիրը ունի շատ քիչ առևտրային գործընկերներ, ու նրանց հետ հարաբերությունների խաթարումը մարդկանց հնարավորություն չի տալու արտագնա աշխատանքի մեկնել։
«Արտագնա աշխատանքը ռիսկի տակ ենք դնում, մեր ամբողջ գյուղատնտեսական բերքը արտահանվում է, դա ռիսկի տակ ենք դնում ուղղակի մի քանի նկարի համար։ Շոուն լավ բան է, երբ դա վատ արժեք չունի»,-ասաց նա։
#Ռիսկի #տակ #են #դնում #արտագնա #աշխատանքի #հնարավորությունը #Նարեկ #Կարապետյանը #հայռուսական #ներկա #հարաբերությունների #մասին
