Ռուսաստանից Ադրբեջանի տարածքով դեպի Հայաստան կուղարկվի երկու վագոն պարարտանյութ և երկու վագոն ցորեն, հայտնում են ադրբեջանական ԶԼՄ-ները:

Գնացքը կմեկնի «Ադրբեջանական երկաթուղիներ»-ի «Բելաջարի» կայարանից։ Այնուհետև գնացքը «Բյոյուկ-Կյասիկ» կայարանով կուղևորվի Վրաստան, որտեղից էլ կուղղվի դեպի Հայաստան։

Ավելի վաղ Ադրբեջանի տարանցմամբ ՌԴ-ից Հայաստան էր ուղարկվել ավելի քան 28 հազար տոննա ցորեն, ավելի քան 4 հազար տոննա պարարտանյութ, 133 տոննա ալյումին և 68 տոննա հնդկացորեն։