Ռուսաստանը գիշերը հերթական զանգվածային հարձակումն է իրականացրել Ուկրաինայի մայրաքաղաք Կիևի և Կիևի մարզի ուղղությամբ՝ կիրառելով անօդաչու թռչող սարքեր, ինչպես նաև թևավոր և բալիստիկ հրթիռներ։

Հարվածների հետևանքով տարբեր շրջաններում գրանցվել են ավերածություններ և հրդեհներ, կան զոհեր և տասնյակ տուժածներ։ Ըստ BBC-ի՝ զոհերի թիվը հասել է 8-ի։

Կիևի քաղաքապետ Վիտալի Կլիչկոն տեղեկացրել է, որ տուժածների թիվը հասել է 51-ի, այդ թվում՝ երեք երեխայի։ Նրանցից 35-ը, ներառյալ մեկ երեխան, հոսպիտալացվել են։

Միաժամանակ զանգվածային հարվածների է ենթարկվել նաև Կիևի մարզը։

Մարզային իշխանությունների տեղեկացմամբ՝ վնասներ են գրանցվել առնվազն չորս վարչական շրջաններում։ Ամենամեծ վնասները կրել է Բուչանսկի շրջանը։