Bavnews.am-ը գրում է․ Օրերս համացանցում տարածվել էր կեղծ լուր, ըստ որի TikTok-ում հայտնի Մալենան մահացել է ավտովթարի հետևանքով։ Տեղեկությունը արագ տարածում գտավ՝ առաջացնելով անհանգստություն նրա հետևորդների շրջանում։

Այսօր Մալենան անձամբ արձագանքել է՝ հերքելով այդ տեղեկությունը և վստահեցնելով, որ ինքն ողջ և առողջ է։

«Բարև բոլորին…

Հազիվ եմ ուշքի գալիս անդադար զանգերից: Ուզում եմ տեղեկացնել, որ ողջ եմ, առողջ եմ ու տանն եմ: Չեմ հասցնում պատասխանել բոլորիդ, Direct-ս ուղղակի պայթում է:

Ես ուղղակի ապշած եմ, թե ոնց կարելի է մարդու կյանքը դարձնել դիտումների թեմա: Քիչ անց տեսանյութ կհրապարակեմ այս ամենի վերաբերյալ: Այդ «լրատվականը» և տեսանյութի հեղինակը անպայման պատասխանատվություն են տալու այս ստի համար»։

Տիկտոկերը նաև նշել է, որ պատրաստվում է դիմել իրավական քայլերի՝ այն կայքի և անձանց դեմ, որոնք տարածել են ապատեղեկատվությունը։

Այս դեպքը կրկին ընդգծում է կեղծ լուրերի տարածման վտանգը՝ ցույց տալով, թե որքան կարևոր է տեղեկատվության ստուգումը, հատկապես երբ խոսքը վերաբերում է մարդու կյանքին։