Օրերս «Tete A Tete» հաղորդման հյուրն էր դերասան և բլոգեր Էրիկ Շահբազյանը։ Զրույցի ընթացքում նա հանդես է եկել սկանդալային ու չափազանց հուզիչ խոստովանությամբ՝ բացահայտելով իր անձնական կյանքի ամենացավոտ էջերը։

Էրիկը պատմել է, որ ԱՄՆ-ում ունի 14-ամյա որդի, ում երբեք չի տեսել և ում հետ որևէ շփում չունի։ Տղան ծնվել է նրա առաջին ամուսնությունից, երբ դերասանն ընդամենը 20 տարեկան էր։

Էրիկի խոստովանությամբ՝ ընտանիքի փլուզման պատճառն իր կյանքի ծանր շրջանն էր՝ կապված թմրանյութերի և խաղամոլության հետ։ Ամենահուզիչ դրվագներից մեկն այն էր, երբ դերասանը հիշեց որդուց ստացած միակ նամակը։

Տղան գրել էր, որ հայրը մոռացել է իր մասին։ Էրիկը պատասխանել էր նամակին, սակայն կարճ ժամանակ անց նրա սոցիալական էջն արգելափակվել էր, ինչի հետևանքով կապը կրկին ընդհատվել էր։

Այսօր Էրիկ Շահբազյանի ամենամեծ երազանքն ու նպատակն է ներողություն խնդրել որդուց և հնարավորություն ստանալ լինելու իրական հայր։

Դերասանը նաև երախտագիտությամբ նշեց, որ իր ներկայիս կինը՝ Լիլիթը, լիովին կիսում է իր ցանկությունը, պատրաստ է ընդունել երեխային և աջակցել այդ կարևոր վերամիավորմանը: