Վրաստանը նույնպես մնաց առանց ռուսական գազի, բայց այն գնեց մյուս հարևաններից շատ ավելի ցածր գնով:

Այս մասին սոցցանցի իր էջում գրել է անազատության մեջ գտնվող Վրաստանի նախկին նախագահ Միխեիլ Սաակաշվիլին։

Սաակաշվիլին Սամվել Կարապետյանին համեմատել է Բիձինա Իվանիշվիլիի հետ։

Վրաստանը նույնպես մնաց առանց ռուսական գազի, բայց այն գնեց մյուս հարևաններից շատ ավելի ցածր գնով։ Հայաստանը կարող է անել նույնը։ Հիմա, երբ դուք ունեք թե՛ Եվրոպայի, թե՛ Ամերիկայի աջակցությունը, բաց մի՛ թողեք այս հնարավորությունը և ձեզ մի՛ մեկուսացրեք աշխարհից»,- հայտարարել է Սաակաշվիլին:

Ավելի վաղ ՀՀ արտաքին գործերի նախարարությունից «Հայկական ժամանակ»-ին հայտնել էին, որ ստացել են ՌԴ էներգետիկայի նախարար Սերգեյ Ցիվիլյովից նամակ՝ ուղղված ՀՀ տարածքային կառավարման և ենթակառուցվածքների նախարարությանը: Նամակով ռուսական կողմը տեղեկացրել էր Երևանին՝ եթե ԵՄ-ին Հայաստանի անդամակցության գործընթացը շարունակվի, իրենք կկասեցնեն կամ կչեղարկեն գազի և նավթամթերքի մատակարարման վերաբերյալ համաձայնագիրը։

Ըստ ՀՀ արտաքին հարցերով գերատեսչության՝ նամակը փոխանցվել է, կուսումնասիրվի, և հայկական կողմն ըստ անհրաժեշտության կարձագանքի:

Տարածքային կառավարման և ենթակառուցվածքների նախարար Դավիթ Խուդաթյանը լրագրողների հետ զրույցում նամակի բովանդակության վերաբերյալ մանրամասներ չի հայտնել՝ խնդրելով թույլ տալ ուսումնասիրել այն: