Արամ Մելիքյանը իր աջակցությունն է հայտնել Մերձավանի ուսուցչուհուն և ֆինանuական նվիրատվություն արել նրա ընտանիքին

Արամ Մելիքյանը իր աջակցությունն է հայտնել Մերձավանի ուսուցչուհուն և ֆինանuական նվիրատվություն արել նրա ընտանիքին։ Մանրամասները առաջին մեկնաբանության մեջ նշված հղումով

Հայտնի շոումեն և հանդիսավար Արամ Մելիքյանը իր ինստագրամյան էջում տեսանյութ է հրապարակել՝ անդրադառնալով Մերձավանի դպրոցի շուրջ ծագած աղմկոտ իրավիճակին։

Մելիքյանը հանդես է եկել ուսուցիչների նկատմամբ անհարգալից վերաբերմունքի դեմ՝ ընդգծելով, որ որպես ընտանիք պատրաստ են աջակցել իրավիճակի մեջ հայտնված մանկավարժին։

«Միշտ դեմ եմ եղել ցանկացած տեսակի ճնշման, անկախ նրանից՝ ում կողմից է այն՝ աշակերտների, թե ուսուցիչների։ Չնայած կոնկրետ դեպքի բոլոր մանրամասներին ծանոթ չեմ, բայց կատարվածը անընդունելի է։ Մենք ազգ ենք, որն ունի արժեքներ, և եթե դրանք սկսում ենք մոռանալ, կորցնում ենք ինքնությունը։

Այդ կնոջ կերպարի մեջ ես տեսնում եմ նաև այն ուսուցիչներին, ովքեր մեզ կրթել ու ձևավորել են։ Անձամբ չեմ ճանաչում նրան, սակայն ուզում եմ աջակցությունս հայտնել։ Իմ և ընտանիքիս անունից նրան տրամադրում ենք 1000 ԱՄՆ դոլար», – նշել է Մելիքյանը։

Նա նաև կոչ է արել մյուսներին՝ ըստ իրենց կարողությունների, միանալ իր նախաձեռնությանը։

Հիշեցնենք, որ վերջերս Մերձավան գյուղի դպրոցի մի խումբ ծնողներ ու աշակերտներ դժգոհություն են հայտնել պատմության ուսուցչուհու գործունեությունից։

Նրանք պնդում են, որ վերջինս պատշաճ չի շփվել աշակերտների հետ և իր արտահայտություններով վիրավորել է Արցախից տեղահանված ընտանիքների երեխաներին։

Ի դեպ, սոցցանցերում մեծ քննարկման թեմա է դարձել նաև որոշ աշակերտների օգտագործած խոսելաձևը, ինչը շատ օգտատերերի մոտ մտահոգություն է առաջացրել։