Այսօր Սամվել Կարապետյանը հանդիպել է մշակույթի գործիչների հետ, հանդիպումից հետո հեղինակ-կատարող, ազատամարտիկ Դավիթ Ամալյանը լրագրողների հետ զրույցում նշեց, որ հանդիպումը հրաշալի է անցել։

«Մինչև այս շարժումը հետևել է իր գործունեությանը, իր բարեգործություններին՝ թե՛ Արցախի հարցով, թե՛ մյուս, բայց կենդանի շփում առաջին անգամ եղավ։ Բոլոր մարդկային արժեքների մասով պիտի ասեմ, որ հագեցած են դուրս եկել, որովհետև հասկացա, որ գործ ունենք իսկապես ուժեղ և մտավոր լուրջ կարողություններ ունեցող առաջնորդի հետ»։

Նա կոչ արեց հունիսի 7-ին գնալ ընտրության և վերջ դնել անտարբերությանը։

«Ես հիմա ուղղակի, որպես մարդ, որպես քաղաքացի, որպես Երևանի տղա, որպես ալաշկերտցի, փանիկցի, ուզում եմ խնդրել բոլոր նրանց, ովքեր անտարբեր են, ձեր անտարբերությամբ մի նպաստեք թուրքի գալուստին։ Մի մասն էլ հավատացած է, որ խաղաղություն է լինելու։ Այդ հավատացածներին պիտի, ցավոք սրտի, տխրեցնեմ, որովհետև սխալ տեղ են հավատում։ Հավատար կարելի է մարդուն, իսկ ոչնչությանը հավատալը, մի քիչ կներեք, բայց մտավոր կարողություններից զուրկ մարդու երևույթ է։ Երբ որ հավատում ես, բայց չգիտես ինչի։ Իսկապես, չգիտես ինչի, որովհետև որևէ արժեք չեմ կարող գտնել այդ մեկի մեջ, որ խաղաղություն է խոստանում»։