Bavnews.am-ը հայտնել էր, որ մայիսի 22-ին Գեղարքունիքի մարզում մեքենայի մեջ կնոջ անշնչացած մարմին էր հայտնաբերվել։

Մեքենայում ամուսինների միջև միջադեպ է տեղի ունեցել։

Նախնական տվյալներով՝ կնոջ ամուսինը հայտնել է իրավապահներին, որ վիճաբանությունից հետո կինը ասել է, թե պատրաստվում է բացել մեքենայի դուռը և ցած նետվել, որից հետո նա կատարել է այդ քայլը։

Հղի կնոջ մահվան դեպքով նախաձեռնվել է քրեական վարույթ՝ Քրեական օրենսգրքի 162-րդ հոդվածի 4-րդ մասի 1-ին և 4-րդ կետերով (ինքնասպանության հասցնելը՝ հղի կնոջ նկատմամբ մերձավոր ազգականի, զուգընկերոջ կամ նախկին զուգընկերոջ կողմից) և 344-րդ հոդվածի 2-րդ մասով (ոչ սթափ վիճակում կամ վարելու իրավունքից զրկված անձի կողմից տրանսպորտային միջոց վարելը կամ զննությունից խուսափելը)։

Կնոջ ամուսինը կալանավորվել է։

Մահացած կնոջ քույրը՝ Վիկտորյան, իր ֆեյսբուքյան էջում գրել է, որ քույրը ենթարկվել է բռնության և պնդում է, որ նա ինքնասպան չի եղել՝ այլ միտումնավոր սպանվել է։

ArmLur.am-ի խմբագրություն էր ահազանգել կալանավորված Հայկի հարազատներից մեկը, որը մանրամասներ պատմեց Հայկի կյանքի մասին։

Տեսանյութը ստորև․