ԵԱՏՄ գագաթնաժողովի արդյունքներով՝ Ռուսաստանի, Բելառուսի, Ղազախստանի, Ղրղզստանի ղեկավարները հանդես են եկել Հայաստանի վերաբերյալ համատեղ հայտարարությամբ և նշել, որ Հայաստանում հնարավորինս շուտ պետք է հանրաքվե անցկացվի, որի ընթացքում պետք է որոշում կայացվի՝ միանում է ԵՄ-ի՞ն, թե՞ մնում է ԵԱՏՄ կազմում։

Թեմայի վերաբերյալ զրուցել ենք Չեխիայում բնակվող քաղաքական վերլուծաբան, տնտեսագետ Բագրատ Առաքելյանի հետ։

«Մանավանդ շատ զարմանալի է լսել, որ Պուտինը նույնիսկ պահանջում է անպայման Հայաստանում անցկացնել հանրաքվե, և միանգամից իմ մեջ հարց է առաջանում. չգիտես ինչու՝ 2013 թվականին իրենք այդ հարցը չէին բարձրացնում։ Միգուցե Սերժ Սարգսյանը մեկնումեկին հարցնե՞ր՝ մենք ընդհանրապես ուզո՞ւմ ենք գնալ դեպի ԵԱՏՄ, շեղվել ԵՄ ճանապարհից։ Այդ հարցը չի բարձրացվել։ Բայց հիմա, բնականաբար, իրենք բոլոր ժողովրդավարական մեթոդոլոգիաները պետք է օգտագործեն։ Իսկ ինչու են իրենք պահանջում այդ նույն հանրաքվեն՝ որպեսզի ինչ-որ հնարավորություն ստեղծվի և դարձյալ կարողանան սարսափելի, ահռելի ճնշում գործադրել մեր ժողովրդի, մեր քաղաքական գործիչների վրա և ինչ-որ նպատակի հասնել։ Կարծում եմ՝ դա իրենց թե՛ այս անգամ չի հաջողվի, թե՛ հանրաքվեից հետո չի հաջողվի»,- ասաց Բագրատ Առաքելյանը։

Մանրամասն՝ տեսանյութում